Youth Department

Lakhuti Baptist Ekhumkho lo pongdenro okho soyingo ji 1943 shiang lo ekhumkho lo pongdenro echuma na emong mmyulani Okhen osi motsü lona merangta khitav tsükona lhinsung methaki onte yolona esopvüi,eranpvüi ethungche jiang yakchia merangta lhinsung jiang khita rocho.Ji tae mek tolia ekhumkho chungi merithok elhi,Ezüb-etsüi lankon to jiang ha nzanchita rocho,pongdenro jiang okhen motsü loha thsngshi pita rocho.C.E. Esopvüi ovungo ji Mr.Yantsao Yanthan ji ethungche Ombo ephao lo eranpvüi,rangvea to randankae jilona pongdenro okho soying ji benkae yicho. 1948 ejon choro lojo Mr.Ashemo Yanthan Mr.Chomio Ngullie to onina Jorhati Christian High School lona khata thung Chuti yuta lojo Oyani(Lakhuti) pongdenro jiang soka benka elhi tssota rocho,Ji tae mek tolia Lotha C.E jiha oni yakchia benkacho.Lotha meta lo C.E President ovungo ji Rev.Ashemo Yanthan na oman nkhina nzyu mongo tssocho 1950 – 1955.Rev,Wosamo Humtsoe na 1955 – 1958 nzyu mezhü tssocho.Lotha meta lo C.E ji tongphi B.P.K jina tongche khiv to methakcho.Emhu 19th .1958 Vankhosung.Lotha meta lo B.P.K Khothepvui nzanchi ovungo ji Mr.Chidamo Yanthan na tssocho.shi esüa Oyan shilo pongdenro jiang na ekhumkho shilo tae mekna Lotha ekhumkho elumoto lo C.E/B.P.K soying nlio jiang soyingia nzanchi pia,thangshi olan olan pia rotacho.Nzyu 1953 April 15th lo Lotha-tsu C.E convention ji Lakhuti mondoli na khicho cho.