Christian Education Department

Lakhuti Baptist Ekhumkho shilo Sunday school benkao ji Rev,Zanao Yanthan na Pastor tssoa thung ombona 1953 lo Ngaro jinag tsükona Emong khaphen benkatavuka to Deacon board thungi thyutasantae okho jina emathata elonchoe benkae yicho.benkaden ji class mezhu chiroe khitacho.1.Assamese class 2. Merry class 3.Lily class 4. Kindergerden class to chiroe shi lona Sunday school ji benkae yicho.Sunday school esopvüi (Superitendent) ovungo ji Rev Zanao Pastor na 1953 – 1955 na ndang tssocho.Ji süo jo Mr.Ntsow Ngullie na echungchoe Sunday school esopvui ji tssocho,jilona benkae pothe nlina nchung na ndang echungta elhi mmhom tssota vana.Lotha Sanrhyutsu benkasi ovungo to Mondoli school benkao ji Rev.Ahamo Patton na 1940 lo benkacho.Ombona Mondoli school tsukona kako erani Lotha ekhumkho jiang lo pia emong khaphen ji ekhumkho topvu lona benkae yicho.Lotha sanrhyutsu Mondoli school esopvü ji Rev,Ahamo Patton na 1940 – 1949 na ndang tssocho.Rev Wosamo Humtsoe na Lotha emong khaphen esopvui ji 1959 – 1964 na ndang tssocho.Rev.Chimomo.Yanthan na 1965 – 1972 na ndang tssocho.shi esua Lakhuti ekhumkho lo tae mekna Lotha-tsü lo ha sukhying pochia rotacho.