Lakhuti Baptist Church


Lakhuti Baptist Church



Women Department



Message from the Women Leader



Eloe Esopvui yithen.



ELOE YANGRO SOYING MOTSÜ (1922 - 2020)



Lakhuti Baptist Ekhumkho soyingsi nzyu eni to yia thung Deacon boand thyutasanta lo eramoe ejomana ete ha ekhumkho lo khanhyae rankata yia vanthaka osi eloe khanhya ha elumoto tssoa vanthaka ji tsükona ete shom chungli (AO) jiang esua ete ha Eloe okho soyingi echumporo ekhum pia onte onte eloe vanlanyilan shika-rünhyu thoktavuka to thyutae onte topvü na lum na runga Eloe okho echumporo soyingi vatacho.1922 lo Eloe esopvüi ovungo to tssoa Pastor Murisao Murry ji eloe(Enng) Mariam ji randankata sothecho,ompvu ephalo Deaconeses onte otsuk mongo ha randankata soothe eloe yangro sataronta benkae yicho.Eloe esopvui ovungo shompvü Mariam murry na 1922 lona 1925 na ndang nzyu mezhu tssosi esancho.Jilona benka enunga na ndang bejak nnlina echungta elhi mmhona tssota yia vana.



ELOE YANGRO NA ELHI TSSOA ERO JIANG



1. Soko eyu ekumo evamo eloe jiang thungi Christian kümthokvu tsükona elhi tssota rocho

2. Eloe esopvüi na sosi emong akvüto oki oki janthechia randania rotacho

3. Nochonori jiang janthechia nzanchi pia randannia rotacho

4. Ekhumkho nzontsü thungi tsükaranka elhi lo ekyuerung pia rotacho

5. Eloe nzontsü ekum osi vanlanyilan mmhonka tsukona elhi-lan olan olan tssoa rotacho

6. 1932 lona Lotha eloe nzontsu sanrhyu lo shenkae elhi tssota rocho

7. Eloeroro book jiang jo Eloe esopvui na muchoka,tsakae randania rocho

8. Ntho yanpiyanthan ntssothung loroe ji thungi Deaconeses echuma ethungche ntsa nrük eli-nli ngatung ngari elhi tssothoka rocho

9. Eloe yangro jina onte bobo khyatae eloe esopvüi choro tsen pita rocho

10. Ekhumkho chungi Potsow motsu-yi ekhae jiang thungi nzanchi pita rocho

11. Enungo Eloe esopvüi jiha ere elhi lo vani sükhying elhi topvu lo Pastors jiang nzo tssoe ekhumkho chungi longtsüi jiang sheküpa eloe yangro ji zeyata vanala.





Lakhuti Baptist Church, BPO Aitepyong, Lakhuti Village, Wokha - 797111